PONTEXOGOS

¿QUe é pontexogos?

Pontexogos é un evento que se organiza no Nadal na cidade de Pontevedra. Ten por obxectivo dinamizar o comercio local ao tempo que as familias poden disfrutar de diferentes actividades en diversos puntos da cidade.
O evento está organizado pola Concellería de Promoción e Turismo de Pontevedra.

AS NOSAS ACTIVIDADES

CARPA INFORMATIVA E PHOTOCALL PONTEXOGOS

Que este Nadal non remate sen a túa foto no photocall de Pontexogos! Ven a tomar a túa foto e aproveita para informarte de todas as actividades infantís do programa.


OFICINA POSTAL
 
A oficina postal de Nadal aterrizou na cidade de Pontevedra xunto coas axudantes de Papá Noel e os Reis Magos. Asegúrate de que a túa carta chega ao seu destino e, se xa a enviaches, achégate para preguntar se xa recibiches a túa resposta.  

TREN DE NADAL

Sube a bordo do tren turístico que percorrerá a cidade este Nadal. Presenta o teu tique de compra no comercio local na carpa informativa para truncalo polo teu billete.


NADAL SOBRE RODAS

Prepara a túa bici, patinete ou patíns e achégate á Avenida Montero Ríos para gozar do circuito vial libre. Percorrelo correctamente supón coñecer as diferentes sinais de tráfico que nel atoparemos, un reto moi doado para o que contaremos coa axuda dos monitores encargados de coordinar o circuito. 


ROTEIROS NA CIDADE

A sección Pontepedia de Pontexogos TV sae a rúa con dous roteiros para coñecer a cidade. Achégate á carpa informativa para comezar a túa ruta e prepara o teu teléfono móbil ou cámara de fotos para participar no reto fotográfico que terá como agasallo unha mochila do programa.

O roteiro non é guiado. As e os participantes percorreran diferentes puntos da cidade a través de pistas e vídeos que se poderán visualizar a través dun enlace con código QR.


PONTEXOGOS NAS PARROQUIAS

A sección ‘Fai e desfai’ de Pontexogos TV viaxa ás parroquias! Cada sábado unha proposta creativa para decorar os fogares este Nadal da man da nosa protagonista da sección.

19/12/20 - San Andrés de Xeve

26/12/20 - Cerponzóns

02/01/21 - Pontesampaio


XUNQUEIRAVENTURA EDICIÓN NADAL
Colle a túa bici para vir á Xunqueiraventura, a xincana fotográfica para a que só precisarás descifrar as pistas que che leven a completar todo o roteiro.